Լա լիգայի նախագահը հաստատել է Մբապեի տեղափոխությունը «Ռեալ»
12:47, 14 Մայիս 2024
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Իսպանիայի ֆուտբոլի առաջնության` Լա լիգայի նախագահը հաստատել է ՊՍԺ-ի ֆուտբոլիստ Կիլիան Մբապեի տեղափոխությունը Մադրիդի «Ռեալ»:
«Արմենպրես»-ի հաղորդմամբ` այս մասին գրում են իսպանական ԶԼՄ-ները: Ըստ պարբերականների՝ Լա լիգայի նախագահ Խավիեր Տեբասը փաստել է, որ ֆրանսիացին հաջորդ մրցաշրջանում հանդես է գալու «արքայական ակումբ»-ի կազմում:
Ավելի վաղ Կիլիան Մբապեն հանդես էր եկել տեսաուղերձով, որտեղ հրաժեշտ է տվել ՊՍԺ-ի երկրպագուներին, շնորհակալություն հայտնել ակումբին: Ըստ ԶԼՄ-ների՝ Մբապեի պայմանագիրը «Ռեալ»-ի հետ նախատեսված է մինչև 2029 թվականը:
Բաժանորդագրվեք մեր ալիքին Telegram-ում